Muuqaal Gaaban iyo Warbixin Aad u Kooban


Muuqaalkani waxa uu ku saabsanyahay dugsiga dhexe ee magaalada Raaso, barayaasha, ardaydayda iyo waaliddiinta oo kulmaya. Muuqaalka waxa ku jira oo kale isbitaalka weyn ee magaalada Raaso oo isna la dhammaystiray oo bilaabay howlihiisii shaqo. Muuqaalkani ma aha mid cusub, waa mid mar hore la qaaday.

Muuqaalku waxa uu ku bilaabmay calanka dawlad degaanka Soomaalida Itoobiya iyo ka fadaraalka Itoobiya oo dhanka midig xiga. Calanka dawlad degaanka Soomaalidu waxa uu ka  koobanyahay afar midab, doog, caddaan, casaan, jaalle iyo sumadda u gaarka ah ee sawirka awrka ama ratiga iyo heestiisii oo ku lifaaqantahay.

Midhaha heestuna waa:

Haybaddaan lahayn iyo
Calankii hiddahayaga
Hooyo lagu anqariyee
Haybta naga mideeyoow
Hubaal kii Itoobiya
Xaqa noo horseedee
Horyaal nooga dhigayoow

Hannaan suubban iyo nabad
Calankii hirgeliyeyee
Heshiis lagu saleeyeyoow

Hormar iyo caddaalad
Kaamaba horreynine
Calankaan hadhsanaynayoow
Hoodaalihiiyoow

Hambalyo kugu salaannaye
Astaan hodana noo noqo
Waannu kuu haweynahoo
Naftaan kuu huraynaa
Habeen iyo dharaar baan
Cadow kaa hiraynaa
Hareertaadaan joognaa.

Xafiiska Wararka

www.raasonews24.com

raasonews24@gmail.com